හරි ලස්සන නුවරක මාළිගාවක කලබලයක්
හුඟ ඈත දවසක පුංචි කුමරුවෙක් කළ හරියක්
අස්සය ගෝන් ටික් ටික් ටික් //
කටේ කිරි සුවඳ මැකෙන්ට කළියෙන් ඔන්න පුතේ
යුද්දෙට උපන්න කුමරා කියලයි කීවෙ රටේ
පුංචි කටහඬට ඇත් අස් සේනා මෙල්ල වුනේ
පරංගි රජුටත් මර උණ දැනුණා උපන් වෙලේ
අස්සය ගෝන් ටික් ටික් ටික් //
පරංගි හතුරා රට ගිනි තිබ්බම හතරවටේ
වැසියන් දුක් ගිනි විලාප නැගුවා පුංචි රටේ
සිංහ නාදයයි හෙළ දෙරණේ රණ ගීය වුනේ
රට රැක ගන්නට හිතට ගන්න මගෙ පුංචි පුතේ
ටිකිරි කුමාරයා යුද්දෙට යනවා
බිය වී හතුරන් පැනල දුවනවා //
අස්සය ගෝන් ටික් ටික් ටික් //
අංගම් මඩුවේ හපන් කරන්නේ මේ රුසියා
පණික්කි ඇත්තගෙ කරට කර ඉඳන් හටන් කරා
සුදු අසු පිට ගිනිරාමෙට කරණම් බොහොම සැරේ
ඒ ටිකිරි කුමරුමයි රාජසිංහ මහ රජුන් වුනේ
අස්සය ගෝන් ටික් ටික් ටික් //
ටිකිරි කුමාරයා වාගේ පුතේ
වීර දූ පුතුන් වෙන්න රටේ
රාජසිංහ දෙවි නාමෙ බලේ
මැකෙන්ට නොදෙන්න මගේ පුතේ ////
~~~~~~~~
ගායනය: විශාරද නන්දා මාලනී
පදරචනය: ජයමාලි මල්ලව ආරච්චි
සංගීතය: අරුණ ගුණවර්ධන
