අහසින් බසින් සඳමඩලින් බසින්
මිනිසුන් මැද පුතුනේ මිහිමඩලේ හිඳින්
කඳුළු සුසුම් විඳ මුවහත් වෙමින්
රට වෙනුවෙන් දැය වෙනුවෙන් නොසැලී ඉදින්..
සුපසන් නොවේ ලොව නුඹ මේ උපන්
නුවනින් වැඩී ලොව සුපසන් කරන්
විරවුන් ලෙසින් රුදු රණබිම් මැදින්
නුඹ ඒ ගමන් මඟ ඉදිවේ බලන්..
දෙවියන් ලොවේ නිති අසලින් නොවේ
දිරියන් ගතේ ඉටු දෙවියන් මැවේ
ජය පැන් වඩන් දහදිය වැල් වලින්
නුඹගේය ඒ නව ලොව පුංචි පුතුන්..
ගායනය - විශාරද නන්දා මාලනී
පබැදුම- සුනිල් ආරියරත්න
ගී තනු- සරත් දසනායක
